mar-elia

تم نقل المنتدى الى الرابطة الجديدة ارجو من الجميع المشاركة مع جزيل الشكر والاحترام
الرابطة الجديدة http://www.marelliya.hostwq.net/vb/index.php
mar-elia

منتديات مارايليا الحيري


    دارميات تستاهل تقراها

    شاطر

    revan
    المدير العام
    المدير العام

    ذكر
    عدد الرسائل : 1041
    العمر : 28
    الموقع : امريكا كليفورنيا
    العمل/الترفيه : ادارة منتدى مارايليا
    المزاج : رومانسي عصبي حساس خيالي
    تاريخ التسجيل : 22/12/2008

    دارميات تستاهل تقراها

    مُساهمة من طرف revan في الإثنين ديسمبر 29, 2008 8:36 pm

    عليك القيت حجة والقيامة


    يا ما براسك احجي والقيامة
    تدري الحشر يمتة والقيامة
    القيامة والحشر من تزعل عليه


    لساني كبال حلو الطول لك لك
    وحذرك لا تكلي النوب لك لك
    لغيرك ما يصير الكلب لك لك
    لأن انت شراكة وياي بية


    عليك الليل كلة انة وانة
    ومعاك العتب هسة انة وانة
    التهدد بالنفاهة انة وانة
    ويلك مو طبك دهري علية


    نبي ونجبر خواطر من يبينا
    وسر موس البكلبي من يبينا
    اذا مرة انتخينا من يبينا
    نهد العالية بعلو الثرية


    لائن طكات شماتي بهاماي
    وشل لا تضن عيني بهاماي
    اذا عذ الرضا يبصم بهاماي
    اكطعة الجان يرضالي بردية


    العلية غير اهلها من علاها
    وروحي خسة الكلك من علاها
    بعزم الله نخلتي من علاها
    يراموها بحجر وتضل صخية


    انة روحي الليالي من رسنهة
    الاصيلة انت تعرفهة من رسنهة
    سيوفي مغمدتهة من رسنهة
    ركاب عداي ومبردهن ادية


    اعلي بالوصل روحي علني
    وسوالفكم بدلالي علني
    ليالي لجنت خازلهن علني
    وغدت عجلة مخالبهن علية


    انة الواضح والمبين ولا خاف
    وانة الما رجفن جدامي ولا خاف
    وانة الما نكص وزني ولاخاف
    اختفيت وخفت وزن العلية


    يكلبي شكثر يحمل بعد يملاك
    تعدى والعقل بالصبر يملاك
    ابن ادم لو ملك قارون يملاك
    وبلا اخلاق ما ينسهب مية


    عذاب الروح انتي وانتي صحتي
    ولامره نصحتج وانتصحتي
    بعدني ما لزمتج وانتي صحتي
    وكلبتي الدنيه والوادم عليه


    نا المجروح من ناسي وخلي
    واجيب الملح لجروحي واخلي
    راح أفتح قفل گلبي واخلي
    المابچه يبچي عليه


    عساهه بكلب دنيانه وكلبين
    اريد الهه جسم صاحي وكلبين
    اشو الحلوات شافني وكلبن
    يجوز من الكبر بين عليه


    كلبي صار بسمك يعني مالك
    وشنهو اللي بقالك عندي مالك
    عشت بقصر حبك وانته مالك
    ورضيت بجورك وضلمك عليه


    مشيت وكلبي لشواكه يردني
    وبس للضيم وكتي يردني
    بعده العوز ما مرج يردني
    كصرتي والشماته تشوف اديه


    علي يالطلك الدنيا ومردها
    اجيتك والمرض روحي مردها
    امد ايدي على شباجك مردها
    بجاه حسين مد ايدك عليه


    اعتنيتك يوم ضكني الدهر عناي
    كاصد كبتك يحسين عناي
    وحاشه تكصر انته بيوم عناي
    وانه برجواك دنيه واخريه


    بالك من النساء يسمر وعدهن
    جذابات ما يوفن وعدهن
    يفلانة من احسب عيوبج وعدهن
    عدد خوص النخل بالناصرية


    حس حلوات خزرني وفاتن
    وحسنهن يجذب الناظر وفاتن
    حظي الماحوه مروه وفاتن
    اخذني يكود بيه لجاسميه


    بتليت اني بكلب ظالم وهاجر
    مثل بلوت النبي بساره وهاجر
    كلي وين انطي وجهي وهاجر
    واعوف اعز الناس من غصبن عليه


    عرفتك وعرفت لغزك وحلاك
    وحق من جملك يسمر وحلاك
    چذب من ايدي اهدنك واحلاك
    لانك روح وفراكك منيه


    اكوم اجلالاً لحسنك واقف لك
    واسجل كلبي يا خلي وقف لك
    وحطك بيه واقفلنه وقفلك
    وطب بصدري واقفلكم عليه


    كوم اجلالاً لحسنك واقف لك
    واسجل كلبي يا خلي وقف لك
    وحطك بيه واقفلنه وقفلك
    وطب بصدري واقفلكم عليه


    عيت ما تجد للسير بكراي
    كريت وما لحكت الضعن بكراي
    حفرت البير تالي طحت بكراي
    صرت عجبه المثل ينضرب بيه


    قدر مكتوب حبك وانت قسمة
    الواحد مالة ناتج من تقسمة
    لون بسيوف كلبي من تقسمة
    دشوف معزتك شنو مسوية بيه


    دمعتي اربع مناشف منشفته
    شفته وخذت روحي من شفته
    ولزمته وخذت مصه من شفته
    بتت وصبحت شفافي نديه


    حبيبي ارفع رصيدك من هوانه
    شربح والله بحياته من هوانه
    شتفرق منهو انته ومنهوانه
    جن روحين وجتمعن سويه


    بهجرك صفه بيتي دار ميات
    وعندي من القصر والدار ميات
    حبيبي شكثر ادزلك دارميات
    ماشفت منك غير ابوذيه


    اخوك الحضر بمصابك ونخواك
    وكلك هذا انه دونك وانه اخواك
    عدوك لو حجه وكلك وين اخواك
    شتريد اتكول يالمالك خويه


    رماني الدهر ونصبني بجالي
    وحتى البلمهد يرضع بجالي
    اذا شجره اصبحت انته بجالي
    انه الجالي ومرد الروج بيه


    ربك لليريده باب هدله
    وانه دشداشتي امن الزيج هدله
    ال*** لو شاف اخوه انوله هدله
    وانه اخواني اصبحوا عدوان ليه


    صاحب لاتظن مسرور بعداك
    وعسى سم الزهر يندار بعداك
    شيطفي الكلب من نار بعدك
    يطفيها الوكت من ترد ليه


    صرت سمجة عليمن جاى شراد
    ارد بالكلب لاكن حيف شراد
    تدرى بعشرتى وياك شراد
    صبر ايوب ما يلحك علية


    التفت ليه بسهم عينه رماني
    متت جن من جبل عالي رماني
    حلو وفوك القهر لابس رماني
    شفته وطحنه انه وروحي سويه


    ياترف نعجر ولا نكدر نصف بيك
    وربك بالحسن كلش نصف بيك
    نص بيه صفه كلبي و نصف بيك
    ضل يون عليك الباقي بيه


    احبه وما احب واحد بدالة
    وياذنب البدة مني وبدالة
    الك منصوب بكليبي بدالة
    خطك على النبض يشتغل بيه


    يروحي بطلي المعاشر وعودي
    سباني ونحل اعظامي وعودي
    اني الماخنت مرة وعودي
    عجب ليش الحبيب يخون بيه


    تره المكتوب يسمر موبدينه
    وعليكم دمع صافي موبدينه
    تكول احنه انتهينه موبدينه
    ونهايتنه غفل صارت سويه


    علي كالو شمالك بستغني
    من الموال بسك بسته غني
    كافي بعد اسكت بس تغني
    انه انجنيت مايدرون بيه


    تره المكتوب يسمر موبدينه
    وعليكم دمع صافي موبدينه
    تكول احنه انتهينه موبدينه
    ونهايتنه غفل صارت سويه


    ذهب كالو عليك شلون فضه
    وكلبك يالحلو وياي فضه
    حجي العذال لا تطريه فضه
    وعوف الكال والكالو عليه


    عجيبة تريد تنساني وانة اسلاك
    اظنك لاگي من غيري ونس لك
    أريد اعرف شنو اصلك ونسلك
    وشنو انتة يبو اطباع الردية


    شمالك يا ضعن بهواي شتيت
    انا شمالي و اهمن بيك شتيت
    وك ان جان انت بقميص الصيف شتيت
    لك انا مصلخ شتاك المر علية


    هجرك يا ولف صاير بلا حد
    مثل سيف اليگص رگبه بلا حد
    گلتلي انتظري اني ارجع بألاحد
    اجه الاحد ويمتى تعود اليه


    احد سجين صبري وجن ولاحد
    التفت وماشفت ربعيي ولا حد
    شجم سبت اليمر بيه والاحد
    اجي بس شوفتج تصعب عليه


    تهم بالعمر خلصان وحده
    وانا ضعني سرى بالهوى وحده
    حلت جنها بعيونك غير وحده
    وكمت ما تسأل ولا تمر بيه


    غيرج ماحلى بعيني ولا طاب
    ولا دونج دخل گلبي ولا طاب
    يجرحي وياج لا هود ولا طاب
    دم ينزف ولا تدرين بيه


    محبتك تجري وي روحي وي دماي
    وعليك نشلت عضامي ويدماي
    نجويت بأيد انا ناري ويد ماي
    ولكن من يطابكهن سويه


    عليج الروح راحت من يردها
    وكيحه همومي صارت من يردها
    خطيه الروح ملت من يردها
    لآن بس الصبر لبس العليه


    دهر ويامه تعصر بس سم الهه
    وجفة والموت صدك بس املهه
    شتظن روحي بغيابك بس املهه
    أحز شرياني وأرميهه بهبية


    يامن بالكلب والروح حليت
    اجرعت مر الصبر وهواي حليت
    الك جم مشكله ياحلو حليت
    وهواك المشكله الصعبت عليه


    صحبتك رغم كل عاذل نبيه
    وكلبي شما صفن جرسك نبيه
    صرت مذلول ومجاور نبيه
    وحبيب كلبي يدلل عليه


    كلبي مالعب غيرة لعابه
    واحس بي شفة لامراضي لعابة
    سبحانة الصوره ربي لعابة
    ونفخ بي روح حتة يعم علية


    _________________


    ramy Creative
    Admin
    Admin

    ذكر
    عدد الرسائل : 408
    العمر : 27
    الموقع : تركيا / افيون
    العمل/الترفيه : اعمل مع ابناء خورنتي لنجاح المنتدى
    المزاج : انسان واقعي
    تاريخ التسجيل : 22/12/2008

    رد: دارميات تستاهل تقراها

    مُساهمة من طرف ramy Creative في الإثنين ديسمبر 29, 2008 9:06 pm

    عاشت الايادي خوني على كلماتك الجميـــــــــــــلة
    يسلمو


    _________________
    ثـــــــــــــــــــق
    أن الله يعد دموعك دمعه دمعه "
    " عندما ينفض من حولك الأصدقاء وتبقي وحيداً بلا صاحب
    ثــــــــــــــــــــق
    أن الله يبقي أميناً معك الي النهاية "

    اسير الضياع
    - - - مشرف - - -
    - - - مشرف - - -

    ذكر
    عدد الرسائل : 1013
    العمر : 23
    الموقع : امريكا كاليفورنيا سانديكو
    العمل/الترفيه : طالب مدرسة الكاهون فالي
    المزاج : مزاجي عصبي بنفس الوقت (( k ))
    تاريخ التسجيل : 24/12/2008

    رد: دارميات تستاهل تقراها

    مُساهمة من طرف اسير الضياع في الثلاثاء ديسمبر 30, 2008 2:11 pm

    والله تسلم ايدك على الاشعار

      الوقت/التاريخ الآن هو الجمعة ديسمبر 09, 2016 2:04 am