mar-elia

تم نقل المنتدى الى الرابطة الجديدة ارجو من الجميع المشاركة مع جزيل الشكر والاحترام
الرابطة الجديدة http://www.marelliya.hostwq.net/vb/index.php
mar-elia

منتديات مارايليا الحيري


    ابوذيات روووووووووووووووووووووووووووعه

    شاطر

    revan
    المدير العام
    المدير العام

    ذكر
    عدد الرسائل : 1041
    العمر : 28
    الموقع : امريكا كليفورنيا
    العمل/الترفيه : ادارة منتدى مارايليا
    المزاج : رومانسي عصبي حساس خيالي
    تاريخ التسجيل : 22/12/2008

    ابوذيات روووووووووووووووووووووووووووعه

    مُساهمة من طرف revan في الثلاثاء ديسمبر 23, 2008 4:27 pm

    هنجل كلبي من شافك .......... ودرباك
    وحرت شلون اعلمنــــك ......... ودرباك
    كضيتة زحوف شارعكم .......... ودرباك
    زلغت الركب وعكوس ادية
    .............................

    العشك يهديب عمري ........... كلفاني
    وحبنة بغير حبكـــــم .......... كلة فاني
    سهمك من رميتــــة .......... كل لفاني
    شك صدري وجزاني ورد علية
    .........................

    حبيبي انة منــــــــك ......... ونتة مني
    وحس كلمن يون لك ........ ونتة مني
    اجت احزان دهــــرك ........ وانتمن لي
    وصرت يفلان مأوى لكل رزية
    ......................

    شكثر انة احسب لجيتك ........ وعدلك
    وسهرت الليل اتانـــــــي ........ وعدلك
    اريدن بيدي اعوجنــــــك ........ وعدلك
    وعدلك لو متت مابين ادية
    ........................

    ابد ما اصطبيلــك .............. وانتبهلك
    واحذر حيل مني ............. وانتبه لك
    انة بأهلي ازامط ............. وانتة بهلك
    واذا اهلك زلم هدهم علية

    ........................

    الاحبة روحي بروحة .......... مذابة
    زعل وياي لـــو ادري .......... مذابه
    ذبني بلا سبب وانة .......... مذابه
    هجرني وصاح حبك بس اذية

    .......................

    عليكم من سلام الله .......... ورحمة
    وحن عالكلب مــــــرة .......... ورحمة
    اذا رايد اجر انــــــــــت ......... ورحمة
    تعال انطيني بوسة وحن علية
    ......................

    اجيك بلهفة اتعنة ............. وهملك
    ولتضن يوم املنك ............. وهملك
    اذا ضنيت متأكـــد ............. وهم لك
    لان ميصح متوهم صافي نية

    .........................

    كلمن كال سوف اعمل ........ وسبني
    جنة بحجية شتمنـــي ........ وسبني
    اكلة من الوطن اطلــع ........ وسبني
    انة ابني الوطن بثنين ادية
    ........................

    الفكر من عقلي طار .......... شتمني
    وعليك الما يشتمـــن .......... شتمني
    بعد هالذل يروحــــــي ......... شتمني
    تمنيت روحي تاخذها المنية
    .......................

    طبع اليحفر بصحـــــــــراء ........ يعراك
    ومن طبع الشجر بالطين ........ يعراك
    ومن طبع العراقي يصيح ......... يعراك
    الك يغدي العمر فدوة وهدية

    .........................

    عطشان علة جرفك ليش ........ يماي
    كل خصلة منكظهة تصيح ........ يماي
    بعيد ابعد بعد لا تلفــــــي ........ يماي
    اذا تلفي اشك ثوب العلية
    ..........................

    بحجيك ليش بس وياي ........ شطيت
    نطيتك دمع عيني تكول ....... شطيت
    انة بدمع العيون اشطوط ....... شطيت
    وصب دجلة وفرات بين ادية
    ..........................

    الجميلة عليك لو مـــــــرت ....... قف لهة
    قصيدة عشك من تمشي ....... قفلهة
    احلفك كون من توصــــــل ....... قفلهة
    تقفلهة بالف سركي علية
    ........................

    بت كلبي انكطع بلتك ....... وبتكم
    ردت اندلة شارعكـــم ....... وبتكم
    واجي خطاب لبتكـــم ....... وبتكم
    غصبن عالعشيرة اخذهة الية

    .........................

    الحب بحجر سجيــــــــل ...... رجماي
    ودمع لجفن فوك الوجن ...... رجماي
    حبيبي لو طلب فد يوم ...... رجماي ( رقماي )
    نطيتة الرقم والهاتف سوية
    .......................

    زوج طيور حبنة صفــــــن ......... بس تك
    وصرنة للشماتة علـــــج ......... بستك
    ما ادري شجاني وكمت ........ بستك
    اعذرني عالجرالك مو بدية

    ........................

    يحلوة عيوني انتي ......... ونتي رمشي
    لتزعليني منــــــج .......... ونه ترة امشي
    راح انطيج رقمــــي ......... ونتي رمشي
    بس يرمش اتصل مية بالمية

    ............................

    احبج حب جنــــــون ......... موطبيعي
    وبطلي ابييع ثكلـــج ........ موطة بيعي
    طبع الشهم طبعــي ....... موطبيعي
    اغدر وانثني بسابع ثنية
    ...........................

    صرت للدهر صكلـــــة ....... ونتة لاكة
    وفرح مالاك اليــــــــــة ...... ونتة لاكة
    يريت الوكت يفتـــــــر ........ ونتلاكة
    احضنك والحضن موساد الية

    ...........................

    العشك كاروكة يامة ............. لولة بية
    وفرني شلون فـــرة ............. لولبية
    احبهة وحبها خلـــة ............. لولة بية
    ارجف لون طاري الحب مر علية
    .........................
    الك طوبة الليالي ........... ناولني
    وعلى هجرك أأكد .......... ناوي لني
    اذا يس ترضة ذلي ......... ناو لني
    وما ارضة اذا حبك اذية

    ........................

    ورد قداح اهديلــــــــــك ......... وجوري
    وريدن ضيمي احجيلك ......... وجوري
    موجر والعشك كمـــــل ......... وجوري
    وشبه بركان حبك صار بية

    ........................


    اتمنى ان ينال رضاكم وانتظر الردود الحلوة


    عدل سابقا من قبل revan في الأربعاء ديسمبر 24, 2008 2:38 pm عدل 1 مرات

    اسير امريكا
    - - - مشرف - - -
    - - - مشرف - - -

    ذكر
    عدد الرسائل : 387
    العمر : 27
    الموقع : امريكا-كالفيرونيا-سان ديفو
    العمل/الترفيه : سايق مخدة
    المزاج : free verey nice
    تاريخ التسجيل : 23/12/2008

    رد: ابوذيات روووووووووووووووووووووووووووعه

    مُساهمة من طرف اسير امريكا في الأربعاء ديسمبر 24, 2008 12:59 am

    شكرا جزيلا على هاي الابوذيات وكل عام وانتم بسنة جديدة

    revan
    المدير العام
    المدير العام

    ذكر
    عدد الرسائل : 1041
    العمر : 28
    الموقع : امريكا كليفورنيا
    العمل/الترفيه : ادارة منتدى مارايليا
    المزاج : رومانسي عصبي حساس خيالي
    تاريخ التسجيل : 22/12/2008

    رد: ابوذيات روووووووووووووووووووووووووووعه

    مُساهمة من طرف revan في الأربعاء ديسمبر 24, 2008 2:37 pm

    شكراً على الرد


    _________________


    ramy Creative
    Admin
    Admin

    ذكر
    عدد الرسائل : 408
    العمر : 27
    الموقع : تركيا / افيون
    العمل/الترفيه : اعمل مع ابناء خورنتي لنجاح المنتدى
    المزاج : انسان واقعي
    تاريخ التسجيل : 22/12/2008

    رد: ابوذيات روووووووووووووووووووووووووووعه

    مُساهمة من طرف ramy Creative في الإثنين ديسمبر 29, 2008 9:25 pm

    عاشت الايادي خوني على كلماتك الجميـــــــــــــلة
    يسلمو


    _________________
    ثـــــــــــــــــــق
    أن الله يعد دموعك دمعه دمعه "
    " عندما ينفض من حولك الأصدقاء وتبقي وحيداً بلا صاحب
    ثــــــــــــــــــــق
    أن الله يبقي أميناً معك الي النهاية "

    اسير الضياع
    - - - مشرف - - -
    - - - مشرف - - -

    ذكر
    عدد الرسائل : 1013
    العمر : 23
    الموقع : امريكا كاليفورنيا سانديكو
    العمل/الترفيه : طالب مدرسة الكاهون فالي
    المزاج : مزاجي عصبي بنفس الوقت (( k ))
    تاريخ التسجيل : 24/12/2008

    رد: ابوذيات روووووووووووووووووووووووووووعه

    مُساهمة من طرف اسير الضياع في الثلاثاء ديسمبر 30, 2008 2:20 pm

    شكرا ريغان على ابو ذيات رووووعة

      الوقت/التاريخ الآن هو الأحد ديسمبر 11, 2016 4:24 am